एक किसान हो, बो आपगै खेतां मं  काम करगे घरै आवै हो। रा मं ही एक हलवाई गी दुकान ही। बीं दिन किसान किं जादा ऐ काम कर लियो हो अर बिनै भोत भूख लागरी ही ईयां जद बो हलवाई गी दुकान गै कनूं टप्यो तो बिनॅ मिठाईयां गी महकार आयी। बो बठै खुद नै रोक कोनी सक्यो। पर बीं दिन बिंगै कनै जादा पीसा भी कोनी हा, ईं तरां बो मिठाई खरीद कोनी सकै हो, जद बो थोड़ी देर बठै खड़्यो रेगे मिठाईयां गी सुरम लेण लागग्यो।जद मिठाई आळै किसान नै मजै ऊं बिंगी दुकान गी मिठाईयां गीसुरम गो मजो लेवंतो देख्यो जद बींऊं किसान गी खुसी देखी कोनी गेयी, बो किसान कनै गेयो अर बोल्यो पीसा काड।

किसान हिरान होयो अर बोल्यो कि मैं तो मिठाई खरीदी ई कोनी अर ना ई चाखी फेर पीसा के बात गा? हलवाई बोल्यो,भलाईं थं मिठाई कोनी ली, पण मेरी मिठई गी सुरम गो मजो तो लियो है। किसान पेलां तो थोड़ो घबरायो, पण फेर सूझबूझ दिखावंता होयां आपगी जेब मूं किं सिक्का काड्या अर दोनां हातां गै बिचाळै लेगे खड़काया। जद किसान आपगै रा जाण लाग्यो। हलवाई बोल्यो, मेरा पीसा दे। किसान जीयां मं मिठाई गी सुरम गो मजो लियो  खाण गै बराबर है, बीयां ई सिक्कां  गी खणक सुणनो ई पीसां गै बराबर ई है।